Ek ken 'n land van ossewa,
my eie land, Suid-Afrika,
Waar voorgeslagte
deur lange nagte
hul leed moes dra.

Ek ken 'n volk so groot en vry,
my eie volk, so na aan my,
van vroegste tye,
deur swoeg en lye
so taai gebrei!

Ek ken 'n taal wat dierbaar is,
my eie taal, my erfenis
byna verlore
maar nou herbore,
so jonk en fris!

Ek min jou, land van ossewa;
ek sal geen ander tuiste vra
waar ek ook swerwe
en tot ek sterwe,
Suid-Afrika!

Written by Woorde: THEO W. JANDRELL; gewysig: P. MCLACHLAN Musiek: G.G. CILLIÉ