Suid-Afrika, geen ander sal ek vra.
Jou naam te dra, my eer, Suid-Afrika.
Dank vir die gawe, erfdeel sonder prys,
deur God Almagtig aan ons toegewys.

Suid-Afrika, ons rondom jou te skaar,
ons dure plig, die erfdeel te bewaar.
Talryk jou kinders, groot verskeidenheid:
bind hul in trou Heer, tot saamhorigheid.

Dank, Here, dank vir hierdie vaderland,
so ryk bedeel met gawes uit u hand.
Maar grootste gawe--dit moet ons ook vra:
Adel van siel, Heer, seën Suid-Afrika.

Written by Woorde: P. MCLACHLAN Musiek: H. PIETER VAN DER WESTHUIZEN, 1978