Sluimer, sluimer, sluimer by jou moeder.
Saggies, saggies lê sy kindjie neer.
Veilig waak sy, kindjie, sy's jou hoeder.
Môre, môre speel my kindjie weer.

Sluimer, sluimer, buite huil die windjie--
Moeder dek jou liefdevol en teer.
Sagte wiegie, warrempies my kindjie--
koue windjie sal jou hier nie deer.

Sluimer, sluimer, sorgeloos tevrede.
Eendag, kindjie, ken jy ook die kwaad.
Maar die moederhart slaak 'n stille bede:
dat geen onheil ooit my kindjie skaad.

Met vriendelike vergunning van R. Müller, Bpk.

Written by Woorde: P. MCLACHLAN Musiek: FRANZ SCHUBERT